Единствениот курс за Видео Контент Креација во Македонија.

Место каде што креативноста се поттикнува, талентот се негува, а секој учесник има простор да расте и да се изрази.

Добредојдовте во уникатното креативно искуство за млади уметници и креативци! Тука учесниците се охрабруваат да истражуваат, да се изразуваат и да развиваат свои идеи во динамична и инспиративна средина.

Без разлика дали пробуваат нешто ново за прв пат или сакаат да ги усовршат своите вештини, ќе создаваат, ќе ја градат самодовербата и ќе развиваат трајни пријателства - сè додека откриваат што навистина ги мотивира и инспирира.

❊ Марви Курсеви

Учи. Цртај. Снимaj. Зрачи.

Видео Контент Креација

Првиот курс за видео контент креација во Македонија нуди динамична програма што го опфаќа целиот процес - од сценарио и снимање, до монтажа и финална изведба.

Покрај техничките знаења, учесниците ќе поминат низ практични вежби за оформување ставови и поттикнување креативно размислување.

Секој учесник ќе изработи 3 оригинални видеа, кои на крај ќе бидат претставени на специјална проекција пред компании.

Дознај повеќе ▸

Цртање и Сликање

Нежно и инспиративно патување во светот на уметноста.

Курсот по цртање и сликање е посветен на креативна игра, релаксација и градење самодоверба - совршен како анти-стрес терапија за сите што сакаат да цртаат, но и за оние што сакаат да откријат нови техники и вештини.

Завршуваме со финална изложба, каде секој учесник гордо ќе го претстави своето дело.

Дознај повеќе ▸

Нашиот тим

Мартин Чичовски // Основач + Ментор

Мартин Чичовски е видео маркетер и креатор со искуство во пишување сценарија, снимање и монтажа на видео содржини.
Работел со компании, училишта и артисти како Forza Fusion, Skala School, Zanadu, Speysd, Aleksandar Dinev, Evа Jovanovska, Colarette, Studio 1 и Maryse.

Учествувал на повеќе меѓународни проекти и програми, меѓу кои се Giffoni Film Festival, каде што организирал видео продукциска работилница, како и UWC Belgium, каде што бил фасилитатор на краток курс.

Во моментот е ментор на курсот за видео контент креација, каде што го пренесува своето практично знаење и искуство на младите кои сакаат да ја започнат својата креативна кариера.

Ана В’чкова // Креатива + Ментор

Ана В’чкова е дипломирана визуелна уметница при Факултетот за ликовни уметности, УКИМ во Скопје, на отсек сликарство – модул сценографија.

Нејзината уметничка пракса опфаќа широк спектар медиуми, од сликарство, фотографија и графички дизајн до видео.

Во 2023 година ја реализира својата прва самостојна изложба „Diversus“ во МКЦ, а во 2025 година остварува самостојна изложба во рамки на филмскиот фестивал „Sирни“ во Скопје. Таа е член на Друштвото на ликовни уметници на Македонија (ДЛУМ).

В’чкова, со повеќе од три години искуство како ментор и асистент, активно учествува во реализацијата на различни креативни и едукативни програми.

Оливера Каменаровска // Координатор на програми + Ментор

Оли Каменаровска е специјалист за социјални медиуми и видео содржини со меѓународно образование и практично искуство во дигитален маркетинг, видео продукција и управување со онлајн заедници.

Оли ја има стекнато својата диплома за Film & Media на Colorado College во САД, и е добитничка на Documentary Exploration Grant за дипломски документарен филм реализиран во Боливија. Има искуство како визуелен асистент и ментор за Adobe алатки, и како самостоен креатор на short-form видео содржина, со фокус на TikTok и Instagram, алгоритми и трендови.

Во моментот е ментор во програмата за видео контент креација, каде што го пренесува своето практично знаење на млади креативци кои сакаат да изградат кариера во дигиталните медиуми.

❊ Што кажаа за нас?

Довербата се гради преку резултати. Еве што велат оние што одблиску го искусија нашиот пристап.

Со Мартин соработуваме скоро две години и знам дека кога тој го монтира видеото ќе добијам нешто феноменално. Тој не само што е посветен и темелен, туку знае точно како да ја долови мојата визија. Искрено, не знам што би правел без неговата помош кога станува збор за монтажа.


— Александар Динев, Инфлуенсер

“

Со Мартин креиравме документарен танцов филм. Со него се најдовме во КСП-Центар Јадро минатата година, како кореограф и редовен професор при ФМУ-УКИМ катедра за балетска педагогија бев импресионирана од неговите компетенции во полето на филмот.


— Искра Шукарова, кореограф и професор (ФМУ-УКИМ)

Фото: А. Лазаревска

“

Со Мартин работевме на проект за Forza Fusion, каде неговата креативност и прецизност навистина направија разлика. Reels видеата што ги изработи не само што ја подигнаа дигиталната комуникација на брендот, туку и реално придонесоа за зголемена свесност и продажба. Искрено професионален, посветен и секогаш чекор напред во идеите.

— Крсто Златков, консултант за маркетинг и продажба и советник за кариера и личен развој

“

❊ ЧПП

Често поставувани прашања!

  • Минималната возраст е 15 години.

  • Наставата ќе се одржува во просториите на МладиХаб (MladiHub) во Центар и онлајн.

  • Предзнаење или претходно искуство не е потребно за упис на курсевите.

  • Може да се плаќа на до 3 рати или еднократно.

  • Да, апликантите може да закажат онлајн разговор со нас, каде ќе зборуваме за нивните достигнувања, вештини и портфолио. Ние ја носиме одлуката за висината на попустот по разговорот.

  • Да, по успешно завршување на било кој курс, следува сертификат.